Ажилд авах журам
Энержи Ресурс ХХК нь ажилтан сонгон шалгаруулах үйл явцыг ил тод, шударга, мэргэжлийн зарчмаар зохион байгуулдаг. Ажилд орохыг хүсэгч нь тухайн ажлын байранд тавигдсан шаардлагуудыг бүрэн хангасан байх шаардлагатай.
Энержи Ресурс ХХК нь ажилтан сонгон шалгаруулах үйл явцыг ил тод, шударга, мэргэжлийн зарчмаар зохион байгуулдаг. Ажилд орохыг хүсэгч нь тухайн ажлын байранд тавигдсан шаардлагуудыг бүрэн хангасан байх шаардлагатай.
Цахим анкетаар өргөдлөө илгээнэ
Энержи Ресурс ХХК-д ажилд орох хүсэлт гаргаж буй иргэн нь компанийн цахим анкетын маягтыг бүрэн, зөв бөглөж илгээнэ. Тухайн ажлын байранд тавигдсан шаардлагыг бүрэн хангасан тохиолдолд сонгон шалгаруулалтад орно.
Анкет хүлээн авах болон нээлттэй ажлын байрны талаар лавлахыг хүсвэл 7711-2304 утсаар холбогдоно уу.
ЭНЕРЖИ РЕСУРС ХХК-д АЖИЛТАН СОНГОН ШАЛГАРУУЛЖ АВАХ ҮЙЛ ЯВЦ
МОНГОЛ УЛСЫН ХӨДӨЛМӨРИЙН тухай хууль болон холбогдох бусад хууль тогтоомжийн хүрээнд зөвхөн компанийн ХҮНИЙ НӨӨЦИЙН АЛБА-аар дамжин, энэхүү вебсайтад заасан шат, дарааллын дагуу явагддаг болно.
Энержи Ресурс ХХК нь ажилтан сонгон шалгаруулах үйл явцыг зөвхөн өөрийн дотоод тогтолцоогоор явуулдаг бөгөөд анкет бөглөх, бүртгэл хийх үйл ажиллагаанд аливаа гуравдагч этгээд, хувь хүн, эсвэл байгууллагатай хамтран ажилладаггүй болохыг мэдэгдэж байна. Ажил горилогч Та анкетаа өөрийн биеэр үнэн зөв бөглөж өгөхийг зөвлөж байна. Хэрэв анкетыг Таны өмнөөс бусад этгээд бөглөсөн тохиолдолд үүнээс үүдэн гарч болзошгүй аливаа асуудлыг компанийн зүгээс хариуцах боломжгүйг анхаарна уу. Харин төлбөртэй ажил оруулж өгөх, зуучилна гэх ямар нэгэн санал, мэдээлэл ирсэн тохиолдолд манай [email protected] мэйл хаягаар хандахыг хүсье. Бид таны мэдээллийн нууцыг чандлан хадгалах ба зохих арга хэмжээг авах болно.
Ирүүлсэн анкет ажлын байранд тавигдсан шаардлагад нийцэж буй эсэхийг нягтлан хянана.
Анкетын шалгаруулалтад тэнцвэл эхний шатны ярилцлагад урина.
Эхний ярилцлагад тэнцсэн горилогчоос тухайн ажлын байранд шаардлагатай ур чадварын шалгалтыг авна.
Ур чадварын шалгалтад тэнцвэл шаардлагатай тохиолдолд дэлгэрэнгүй ярилцлагад урина.
Сонгон шалгаруулалтад тэнцсэн тохиолдолд ажлын санал танилцуулна.
Ажлын саналыг хүлээн зөвшөөрсөн горилогч ажилд орохын өмнөх эрүүл мэндийн үзлэгт хамрагдаж, тэнцсэн тохиолдолд хөдөлмөрийн гэрээ байгуулна.
Анкетын шалгаруулалтад тэнцвэл эхний шатны ярилцлагад урих
Анкетын шалгаруулалтад тэнцээгүй бол татгалзах
Эхний ярилцлагад тэнцвэл ур чадварын шалгалтад урих
Эхний ярилцлагад тэнцээгүй бол татгалзах
Ур чадварын шалгалтад тэнцвэл дэлгэрэнгүй ярилцлагад урих
Ур чадварын шалгалтад тэнцээгүй бол татгалзах
Дэлгэрэнгүй ярилцлагад тэнцвэл ажлын санал тавих
Дэлгэрэнгүй ярилцлагад тэнцээгүй бол нөөцөд бүртгэх
Дэлгэрэнгүй ярилцлагад тэнцээгүй бол татгалзах
