Байгаль орчин

Манай компани нь 2018 оноос Монголын уул уурхайн салбарт анхлан ISO 9001:2015 Чанарын менежментийн тогтолцоо, ISO 14001:2015 Байгаль орчны менежментийн тогтолцоо болон ISO 45001:2018 Хөдөлмөрийн эрүүл мэнд, аюулгүй байдлын менежментийн тогтолцооны стандартуудыг үйл ажиллагаандаа нэвтрүүлэн ажиллаж байна. Тус тогтолцооны хүрээнд бид жил бүр хөндлөнгийн аудитад хамрагдаж, үйл ажиллагааныхаа үр дүн, чанар, байгаль орчны болон хөдөлмөрийн аюулгүй байдлын гүйцэтгэлийг тасралтгүй сайжруулсаар ирсэн. Мөн 2025 оноос ISO 46001:2019 Усны үр ашигтай хэрэглээний менежментийн тогтолцоог нэвтрүүлж, усны нөөцийн зохистой хэрэглээ, хэмнэлттэй менежментийг үйл ажиллагаандаа хэвшүүлэн ажиллаж байна. Байгаль орчны менежмент төлөвлөгөөг жил бүр боловсруулан, төрийн захиргааны байгууллагаар батлуулж, хэрэгжүүлэн ажилладаг. 2025 оны Байгаль орчны менежментийн төлөвлөгөөний биелэлт нь 95.75%-тай хэрэгжсэн.

Мод үржүүлгийн талбай, ойн зурвас

Ирээдүйд уурхайн биологийн нөхөн сэргээлтэд ашиглах мод, сөөг, нутгийн болон олон наст ургамлыг туршилтаар ургуулах, говийн унаган мод ургамлуудыг нөхөн сэргээлт болон орчны тохижилт, ойн зурвас байгуулахад ашиглах зорилгоор Ухаа худагт мод үржүүлэг, нөхөн сэргээлтийн туршилтын талбайг байгуулсан. Одоогоор уг талбайд хайлаас, жигд, сухай, заг, тоорой, буйлс, улиас, чацаргана, бургас зэрэг 17 төрөлд хамаарах 22 зүйлийн мод сөөг, бутлаг ургамлуудыг ургуулж байна. Эдгээрт Монгол орны ховор, нэн ховор статустай бүртгэгдсэн элдэв навчит улиас буюу тоорой, Муркрофтын жигд Монгол бүйлс зэрэг модлог ургамлууд ч багтаж байна. Мөн говийн бүсийн цөлжилтийг бууруулах, хөрсний доройтлыг сааруулах зорилгоор 2011 оноос эхлэн Цогтцэций сумаас 7 км зайд ойн зурвасыг амжилттай байгуулан арчилж байна. Өнөөдрийн байдлаар ойн зурвас маань 63 га талбайг хамран өргөжиж, 10 гаруй жилийн хугацаанд 94,000 гаруй мод, буттай болжээ.

“Тэрбум мод” хөтөлбөр

Энержи Ресурс ХХК нь нийгмийн хариуцлагын хүрээнд Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөнийг дэмжин, 2030 он хүртэл 40 сая мод тарьж ургуулахаар нэгдсэн билээ. Уг хөдөлгөөний хүрээнд 40 сая мод тарьж, ургуулах урьдчилсан ТЭЗҮ-ийг “Монголын ойн салбарын мэргэжлийн холбоодын нэгдэл” ТББ-тай хамтран боловсруулж, төслийг хэрэгжүүлж эхэлсэн. Өнөөдрийг хүртэлх хугацаанд тус хөтөлбөрийн хүрээнд төв, хангайн ба говийн бүсэд 400,000 орчим мод амжилттай тариад байна.

Усны менежмент

Бид хариуцлагатай уул уурхайн зарчим, усны менежментийн асуудалд онцгой анхаарал хандуулдаг. Энэ утгаараа цэвэр усаар хомс говь нутгийн байгалийн онцлогийг дээд зэргээр харгалзаж, уурхайн дэд бүтцийн бүхий л хэсгүүдэд усны дахин ба хэмнэлттэй хэрэглээний технологийг нэвтрүүлсэн. Уурхайн цогцолборын хэмжээнд үйлдвэрлэлийн болон ахуйн хэрэглээний ус хангамжийн орчин үеийн, телеметрийн хяналттай системийг нэвтрүүлэн ажилласнаар уурхайн нийт төслүүдийн усны хэрэгцээг хангаад зогсохгүй Цогтцэций сумыг 99% хүртэл цэвэршүүлсэн, ундны усаар хангаж байна. Мөн Нүүрс баяжуулах үйлдвэрийн дэргэд Хаягдлыг усгүйжүүлэх үйлдвэрийг байгуулж, лаг хаягдлаас усыг шавхаж дахин ашигладаг. Ухаа худагийн цахилгаан станц нь усны “0” хэрэглээ бүхий, хуурай хөргөлтийн технологитой бөгөөд бусад цахилгаан станцуудтай харьцуулахад 4–5 дахин бага ус ашигладаг.

Үндэсний тэргүүлэгч уул уурхайн компани

Нээлттэй ажлын байр

Тогтвортой хөгжлийн тайлан нийтлэгдлээ

Байгаль орчны бодлого

Байгаль орчны төслүүд

Мод үржүүлгийн талбай, ойн зурвас

“Тэрбум мод” хөтөлбөр

Усны менежмент

Бидний тухай

Үйл ажиллагаа

Мэдээ

Хэрэглэгчдэд

Тогтвортой хөгжил

Байгаль орчны бодлого

Байгаль орчны төслүүд

Мод үржүүлгийн талбай, ойн зурвас

“Тэрбум мод” хөтөлбөр

Усны менежмент

Бусад холбоосууд

Тогтвортой хөгжил

Ажилтнууд

Нийгэм, эдийн засгийн үр өгөөж

Орон нутгийн хөгжил